روم (ندیم شوکت )
سفارتخانہ پاکستان روم اٹلی میں آج یوم آزادی روایتی جوش و جذبے کے ساتھ منایا گیا۔ یوم آزادی تقریب میں خواتین اور بچوں سمیت کثیر تعداد میں تارکین وطن نے شرکت کی۔
تقریب میں زیادہ تعداد خواتین اور بچوں کی تھی جو روایتی لباس زیب تن کیے ہوئے تھے۔
تقریب کا آغاز شہید اسماعیل ہانیہ کی تلاوت قرآنی سے ہوا جس کے بعد سفیر پاکستان علی جاوید نے بچوں کے ہمراہ قومی پرچم لہرایا۔
سفیرپاکستان نے اس موقع پر صدر پاکستان اور وزیر اعظم پاکستان کے پیغامات اردو زبان میں پیش کیے اور پاکستان کی جانب سے ہندوستان کے غیر قانونی طور پر مقبوضہ جموں و کشمیر (IIOJK) اور فلسطین کے مظلوم عوام کی ان کی دیرینہ جائز جدوجہد میں سفارتی، سیاسی اور اخلاقی حمایت کا اعادہ کیا۔
سفیر پاکستان نے اپنے خطاب میں اٹلی میں پاکستانیوں کے قابل ذکر تعاون کی تعریف کی اور 2024 میں تقریباً ایک بلین ڈالر کی ریکارڈ ترسیلات کو اجاگر کیا کہ کس طرح تین سالہ بے مثال حجم کے رجحان کو برقرار رکھا۔ انہوں نے مزید کہا کہ 2021 کے بعد سے اٹلی کو پاکستانی برآمدات 1.2 بلین ڈالر سے زیادہ کی غیرمعمولی سطح تک بڑھ گئی ہیں جس سے اٹلی مسلسل تیسرے سال دونوں شماروں پر ساتویں ٹاپ ڈیسٹینشن بن گیا ہے۔
اس موقع پر سفارتخانہ نے ایمبیسی کے زیر اہتمام منعقدہ اقبال خاکہ مقابلے کے فاتحین کا اعلان کیا۔ آمنہ بی بی اور زینب ضیاء بالترتیب پہلے اور دوسرے نمبر پر رہیں۔
اٹلی میں 300,000 پاکستانی 46 یورپی ریاستوں میں پاکستانی کمیونٹی میں پہلے نمبر پر ہیں، جب کہ اٹلی میں 3500 سے زائد طلباء اعلیٰ تعلیم حاصل کر رہے ہیں۔
