مہمانوں کی اطلاع نہ دینے پر اٹلی میں گیسٹ ہاؤس کی لائسنس معطل

اٹلی میں مہمانوں کی معلومات متعلقہ حکام کو فراہم نہ کرنے پر ایک رہائشی گیسٹ ہاؤس کے مالک کے خلاف سخت کارروائی کرتے ہوئے اس کا لائسنس سات روز کیلئے معطل کر دیا گیا۔
پولیس کے مطابق مہمانوں کے اندراج اور اطلاع سے متعلق قوانین کی خلاف ورزی نے سکیورٹی اداروں کی کارروائی کو متاثر کرنے کا خدشہ پیدا کیا، جس کے بعد معاملے کی تحقیقات Questura کے ایڈمنسٹریٹو ڈویژن کے سپرد کی گئیں۔
تحقیقات مکمل ہونے پر حکام نے گیسٹ ہاؤس کے مالک کے خلاف سات دن کیلئے لائسنس معطلی کا حکم جاری کیا۔ اس کے بعد Polizia di Stato کے اہلکاروں نے موقع پر پہنچ کر عمارت کے داخلی دروازے کو سیل کر دیا۔
حکام کا کہنا ہے کہ اٹلی میں رہائشی سہولیات فراہم کرنے والے تمام افراد کیلئے لازم ہے کہ وہ اپنے مہمانوں کی مکمل تفصیلات بروقت پولیس کے ساتھ شیئر کریں، تاکہ سکیورٹی نظام مؤثر انداز میں کام کر سکے۔
یہ کارروائی اس بات کی نشاندہی کرتی ہے کہ حکام سکیورٹی قوانین کی خلاف ورزی پر کسی قسم کی نرمی نہیں برت رہے اور ایسے معاملات میں فوری اور سخت اقدامات کیے جا رہے ہیں۔